عسل يا عسل فباقة خضرا يا شميمت العاشقين يا قمرا حلف سيد لملاح ما يراس امر غير ادا جات غزالتة باش تختم الحضرة
السلام عليكم و رحمة الله و بركاته
نهديي هذي البوقالة الى كل شخص يتابعنا
كيما العادة و العوايد جبتلكم اليوم طاجييين شباب بزاف بزاف انا كي درتو في دارنا هبلو عليه عنده واح المذاق و لا اروع نتمنى تجربوه هو لوبيا خضراء ملفوفة باللحم المفروم و ترجعولي الخبر بدون مانطول عليكم اليكم مقادير الوصفة
لوبيا خضراء باللحم المرحي |
المقادير:
- لوبيا خضراء ننزعولها الراس ونخلوها بالطول
- لحم مرحي
- فنجان ارز حوالي ملعقتين كبيرتين
- معدنوس
- قسبر
- ملح
- فلفل اسود
- القلييل من القرفة والكمون
الطريقة:
في قدر نغلي اللوبيا في الماء مع القليل من الملح حتى تطهى ثم نتركها تبرد من اجل ان تتماسك جيد
بعد ذلك في وعاء نخلط اللحم المفروم مع الارز و القرفة و الفلفل الاسود و الملح جيدا نشكله على شكل اصابع
بعد ذلك نبدا بلف اللوبيا على الاصابع بالطول و نلصقها جيدا فوق اللحم المفروم بعدما تلفي اللحم كامل بالخيط باش كي يطيب ما ينتحلش كما موضح في الصورة
نروحو للمرقة :
ناخذ حبة بصل نقيها و نبشرها مع 2 سنات ثوم صغار و نقليهم في قليل من الزيت و الزبدة حوالي ملعقة بيناتهم حتى يذبالو بعد هاذا نضيفلهم القليل من الماء من اجل التمريق مع حبة جومبو و ملعقة كبيرة من الطماطم المصبرة
نحط فيها اللوبيا و نخليها طيب مليح بعدما طيب اللوبيا نحيها و نخليها تبرد شوية
نجيبو 2 حبات بيض ندربوهم مليح مع القليل من الملح و نديرو في صحن اخر الفرينة باش نرمدو فيه اللوبيا بعدما نغطسوها في البيض و بعدها نغطسوها في الخبز المطحون و المحمص و نقلوها في الزيت
0 commentaires :
Enregistrer un commentaire