طاجين لحم الخروف

السلام عليكم و رحمة الله و بركاته 

صحه رمضانكم و صحه فطوركم قبل ما نبداو بوصفتنا اليوم نهديلكم هذي البوقالة 

 السفينة اللي جات باش نلاقيها باللوز و السكر نرش سواريها و الورد والياسمين نهديه للركاب فيها و بالمسك و العنبر نعطر أماليها . 

في كل مائدة جزائرية كاين الحريرة او الشوربة بالاضافة الى الطبق الرئيسي و السلطة و اخيرا التحلية جبتلكم اليوم طبق رئيسي هايل و لذيذ لي هو طاجين الخروف  خفيف و سهل في التحضير اليكم مقادير الوصفة

طاجين لحم الخروف 

المقادير:

500غ قطع لحم الخروف

القليل من الحمص

حبة بصل كبيرة و مفرومة

250غ لحم مفروم 

فلفل اسود 

ملح

قرفة 

الزنجبيل 

2 ملاعق كبار طماطم مصبرة 

2 فصان ثوم

طريقة التحضير :

في قدر ندير البصل المفروم مع الزيت يتقلى مليح على نار هادئة ثم نضيفولو قطع اللحم نخلوه يتقلى مليح نزيدو الملح و الفلفل و الزنجبيل و حبة الطماطم المفرومة الاسود و الثوم و2 مغارف كبار طماطم مصبر و القليل من السكر حوالي ملعقة صغيرة باش ننزعو الحموضية تاع الطماطم  بعدها نمرقو بشوية ماء ونضيفو الحمص نغلق على القدر حتى يطيب اللحم 

من جهة اخرى نخلط اللحم المفروم مع القليل من الفلفل الاسود و الملح و الخبز المطحون ان وجد باش يجي طري و نشكلو كريات 

وبعدما يطيب اللحم نضيفولو كريات اللحم المفروم  قد ما طيب نطفو عليه و نقدموه في صحن التقديم

شارك غرد شارك

aymen

أشهى وصفات الحلويات الجزائرية والعالمية التقليدية والعصرية بشرح مفصل لكيفية التحضير وبالصور، يمكنك طرح الأسئلة وتتلقين اجابة فورية من اختصاصية.